Sansar News
काठमाडौं । ‘मिस युनिभर्स नेपाल ‘२०२०’ को उपाधि अष्ट्रेलिया निवासी अनिष्का शर्माले जितेकी छन् । उपाधि जितेसँगै उनले १० लाख रुपैयाँ प्राप्त गरेकी छन् ।
बुधबार राजधानीमा आयोजित फाइनलमा उनले १७ प्रतिष्पर्धिलाई पछि पार्दै उपाधि हात पारेकी हुन् । उनलाई पूर्व मिस युनिभर्स नेपाल नग्मा श्रेष्ठले ताज लगाइदिएकी छन् । शर्माले यो उपाधि जितेसँजगै मिस युनिभर्सको अन्तराष्ट्रिय प्रतिस्पर्धामा भाग लिने मौका पाउनेछिन् ।
यस्तै, ‘मिस युनिभर्स नेपाल २०२०’ फस्ट–रनरअप सुजिता बस्नेत, सेकेन्ड–रनरअप निनाकान्त मण्डल र थर्ड–रनरअप दीप्ता थापा बनेका छन् ।
वि.सं.२०७७ पुस १६ बिहीवार १२:३९ मा प्रकाशित
