Sansar News
१६ पुस, काठमाडौं । लुम्बिनी चिनी मिलका सञ्चालक मनोज अग्रवाललाई पर्साबाट प्रहरीले पक्राउ गरेको छ । उखु किसानको भुत्तानी समयमा गर्न नसक्दा उनी पक्राउ परेका हुन् ।
लुम्बिनी मिलले उखु किसानलाई ९ करोड रुपैयाँ दिन बाँकी रहेकोमा एक करोड ३६ लाख रुपैयाँ मात्र खातामा जम्मा गराएको छ। पारिवारीक लगाए विभिन्न कारण देखाउदै भुत्तानी गर्न नसकेको जनाउदै आएका अग्रवाललाई महानगरीय अपराध महाशाखा, बानेश्वरको आग्रहमा जिल्ला प्रहरी कार्यालय, पर्साले पक्राउ गरेको हो ।
उखु किसानलाई भुत्तानी नगर्ने अन्य चार मिलका सञ्चालकहरुलाई पक्राउ गर्न सरकारले आदेश दिएको थियो । तर, अन्य मिलका सञ्चालकहरु भने हालसम्म पक्राउ पर्न सकेका छैनन् ।
वि.सं.२०७७ पुस १६ बिहीवार १४:२१ मा प्रकाशित
