Sansar News
१६ पुस, काठमाडौं । सभामुख अग्नि प्रसाद सापकोटाले प्रधानमन्त्री केपी शर्मा ओलीलाई प्रतिनिधिसभाको विघटन गर्ने अधिकार संविधानले नदिएको बताएका छन् ।
प्रतिनिधिसभा विघटनविरुद्ध विभिन्न राजनीतिक दलका महिला संगठनहरुको संयुक्त ध्यानाकर्षण पत्र बुझ्दै सभामुख सापकोटाले सो कुरा बताएका हुन् ।
नेपाल कम्युनिष्ट पार्टी (नेकपा) को अखिल नेपाल महिला संघ (अनेम संघ), अखिल नेपाल महिला संघ , जनसमाजवादी पार्टी नेपालको समाजवादी महिला संघ नेपाल, विवेकशिल साझा महिला संघले बुझाएको संयुक्त ध्यानाकर्षण पत्र बुझ्दै सभामुख सापकोटाले प्रधानमन्त्रीलाई अहिलेकै परिस्थितिमा प्रतिनिधिसभाको बिघटन गर्ने अधिकार संविधानले नदिएको बताएका हुन् ।
सभामुख सापकोटाले संविधानको रक्षा र जनताको हितमा आफू सधै समर्पित रहने बताउँदै यसको रक्षाका लागि खेल्नुपर्ने भूमिकाका विषयमा सबैतिरबाट परामर्श लिइरहेको समेत बताएका छन् ।
वि.सं.२०७७ पुस १६ बिहीवार १५:१९ मा प्रकाशित
