हामी सबैकाे संसारन्यूज

१९ पुस, काठमाडौं । राष्ट्रिय प्रजातन्त्र पार्टी (राप्रपा) नेपालका अध्यक्ष कमल थापाले खरानी हुन लागेको घर छाडेर आउन डा. बाबुराम भट्टराईलाई आग्रह गरेका छन् ।
जनता समाजवादी पार्टीका संघीय परिषद् अध्यक्ष तथा पूर्वप्रधानमन्त्री अध्यक्ष समेत रहेका डा. बाबुराम भट्टराईले मेहनतले संघीय लोकतान्त्रिक गणतन्त्रको घर बनाएको तर केही कुपत्र\कुपत्रीले कोठा नपुगेको भन्दै सुत्ने झगडामा घरमा आगो लगाइदिएको भन्दै लेखेको स्टाटसको प्रतिउत्तरमा अध्यक्ष थापाले यस्तो आग्रह गरेका हुन् ।

अध्यक्ष थापाले डा. भट्टराईको स्टाटसको प्रतिउत्तरमा लेखेका छन्,
‘एक मित्रको अनुभुतिः आगो लागेको घरबाट निस्कनोस्, त्यो खरानी हुन लागेको घरको माया छोडिदिनुहोस् । अब सबै मिलेर सबै अट्ने नयाँ घर बनाऔं । कोही घरभित्र र कोही बाहिर हुँदा आगलागीको डर जहिलेपनि हुन्छ । घरभित्र झगडा हुँदाँ हाम्रा छिमेकीले आगो निभाउने होइन बरु मट्टितेल छर्कने हुन् कि भन्ने खतरा छ ।’

एक मित्रको अनुभूति:आगो लागेको घरबाट निस्कनोस्,त्यो खरानी हुनलागेको घरको मायागर्न छोडि दिनुहोस्।अब सबै मिलेर सबै अटने नयॅा घर बनाऔॅ।कोही घर भित्र,कोही बाहिर हॅुदा आगलागिको डर जहिलेपनि हुन्छ।घरभित्र झगडा हुंदा हाम्रा छिमेकीले आगो निभाउने होईन,बरू मट्टितेल छर्कने हुन कि भन्ने खतरा छ https://t.co/q26FWfUAC0

— Kamal Thapa (@KTnepal) January 3, 2021