Sansar News
२० पुष, काठमाडौँ । सन्दिप लामिछाने आवद्ध टिम होबार्ट हुरिकेन्सले जितको लागि १७५ रनको लक्ष्य पाएको छ ।
टस हारेर पहिले ब्याटिङ्ग गरेको मेलबर्न स्टार्सले २० ओभरमा ६ विकेट गुमाएर १७४ रन बनाएको छ । मेलबर्न स्टार्सका लागि मार्कस स्टोइनीसले ५५ बल खेल्दैँ सर्वाधिक ९७ रन विस्फोटक पारी खेलेका थिए । ९७ रनको पारीमा उनले ७ चौका र ७ छक्का प्रहार गरेका थिए ।
त्यसैगरि मेलबर्नका लागि ब्याटिङ्गमा निकोल्स पुरन २६, हिल्टन कार्टराइट ३६ रन बनाएर आउट भएका थिए । होबार्टका लागि बलिङ्गमा भने नेथन एलिसले सर्वाधिक ३ विकेट हात पारेका थिए भने रिले मेरिडिथले २ र सन्दिप लामिछानेले १ विकेट लिन सफल भएका थिए ।
नेपाली युवा लेग स्पिनर सन्दिप लामिछानेले मेलबर्न स्टार्सका कप्तान ग्लेन म्याक्सवेलको विकेट हात पारेका थिए । उनले म्याक्सवेललाई LBW आउट गराएका थिए ।
जितको लागि होबार्ट हुरिकेन्सले २० ओभरमा १८४ रन बनाउनु पर्ने भएको छ ।
वि.सं.२०७७ पुस २० सोमवार १२:३९ मा प्रकाशित
