Sansar News
२२ पौष, काठमाडौं । चीनमा उत्पादन हुने नेपालको प्रतिष्ठित कपडा ब्राण्ड निफेड एक्सप्रेसको ब्राण्ड एक्बेस्डरमा अभिनेता प्रदिप खड्का नियुक्त भएका छन् ।
उक्त कम्पनी निफेड एक्सप्रेस प्रालिको नामले सन् २०१६ अर्थात २०७१ मा सितापाइला काठमाडौंमा दर्ता गरिएको हो । साथै उत्पादन र बिक्री विस्तारमा अझ बृद्धि गर्नकोलागि भन्दै सोहि नामले चीनमा समेत दर्ता गरिएको छ ।
नेपाली वातावरणमा आएको परिवर्तनबाट सृजना हुने चुनौती संग सामना गर्न कम्पनीले बिदेशी ब्राण्डसंगसंगै नेपाली ब्राण्डलाई अगि उभ्याएर नेपाली ब्राण्ड नै गुणस्तरिय छ भन्ने जानकारी नेपालीहरुलाई गराउनको लागि प्रवर्धनात्मक अभियानका लागि समेत अभिनेता खड्कालाई ब्राण्ड एम्बेस्डरमा नियुक्त गरेको हो ।
नेपालमा १० वटा थोक बजार र ७०० भन्दा बढि खुद्रा पसल रहेको छन् । कम्पनिका अनुसार निफेडले महिलाको लागि पाईन्ट र टिसर्ट को साथै पुरुषको लागि टिसर्ट, ज्याकेट, हुडि, सिलिकन ज्याकेट, डाउन ज्याकेट, सर्ट, पाईन्ट, कोर्ट लगायतका अनौपचारिक तथा औपचारिक सामानहरु गुणस्तरिय कपडाको प्रयोग गरि फरक फरक डिजाइनमा उत्पादन गरिरहेको छ ।
नेपाली ब्राण्ड तथा डिजाईन बिदेशी कुनै पनि ब्राण्ड र डिजाईनको तुलनामा कम गुणस्तरिय नहुने र शसक्त भएर बजारमा उपस्थित हुने पनि कम्पनीले जनाएको छ ।
वि.सं.२०७७ पुस २२ बुधवार १४:३८ मा प्रकाशित
