Sansar News
२८ पुस, काठमाडौं । रत्न राज्य लक्ष्मी (आरआर) क्याम्पसका प्राध्यापक ४५ वर्षीय विष्णुप्रसाद आचार्यलाई प्रहरीले यौन हिँसा गरेको आरोपमा पक्राउ गरेको छ ।
उनले आरआर क्याम्पसमानै अध्ययनरत एक छात्रालाई सामाजिक सञ्जालमार्फतमा यौन हिँसा गरेको आरोप सहित कलेजबाटै सोमबार प्रहरीले पक्राउ गरेको हो ।
उनले आफ्नै क्याम्पसमा अध्यनरत छात्रलाई सामाजिक सञ्जालको दुरुपयोग गरि यौन दुरव्यवहार गरेकोले पक्राउ गरेको काठमाडौं प्रहरी परिसरका प्रमुख एसएसपी अशोक सिंहले जानकारी दिए ।
नियन्त्रणमा लिइएका प्राध्यापक आचार्य उपर अभद्र व्यवहारसम्बन्धी कसुरमा अनुसन्धानको काम भइरहेको पनि एसएसपी सिंहले जानकारी दिए ।
वि.सं.२०७७ पुस २८ मंगलवार १५:१५ मा प्रकाशित
