Sansar News
१ माघ, काठमाडौँ । भारत र अष्ट्रेलिया बिचको चौथो तथा अन्तिम टेस्टको लागि अष्ट्रेलियाले आफ्नो प्लेइङ्ग इलेवनको घोषणा गरेको छ । चौथो टेस्टका लागि अष्ट्रेलियाले १ खेलाडी परिवर्तन गरेको छ ।
भारत विरुद्धको तेस्रो टेस्टबाट अन्तराष्ट्रिय क्रिकेटमा डेब्यू गरेका विल पुकोवस्की चोटका कारण अन्तिम टेस्टबाट बाहिरिएका छन । उनी भारत विरुद्धको तेस्रो टेस्टको पाँचौँ दिनका फिल्डिंग गर्ने क्रममा चोटिल भएका थिए । त्यहीँ चोटको कारणले गर्दा उनी भारत विरुद्धको निर्णायक टेस्ट बाहिरिएका हुन ।
विल पुकोवस्कीले तेस्रो टेस्टको दुई इनिङ्गमा ७२ रन बनाएका थिए । उनको स्थानमा अष्ट्रेलियन टिमले मार्कस ह्यारीसलाई टिममा भित्राएको छ ।
भारत र अष्ट्रेलिया बिचको चौथो तथा निर्णायक टेस्ट ब्रिसबेनमा शुक्रबार देखि सुरु हुनेछ ।
चौथो टेस्टको लागि अष्ट्रेलियाको प्लेइङ्ग-११
डेविड वार्नर, मार्कस ह्यारीस, मार्नश लबुशेन, स्टिवन स्मिथ, म्याथ्यू वेड, क्यामरन ग्रीन, टिम पेन, प्याट कमिन्स, मिचल स्टार्क, नेथल लायन, जस हेजलवुड ।
वि.सं.२०७७ माघ १ बिहीवार १०:४२ मा प्रकाशित
