हामी सबैकाे संसारन्यूज

१ माघ, काठमाडौँ । न्यूजिल्याण्ड महिला क्रिकेट टिमकी साफी डिवाइनले महिला तर्फको क्रिकेटमा विश्व किर्तिमान बनाएकी छिन । उनले न्यूजिल्याण्डको घरेलु टि-२० क्रिकेट प्रतियोगिता सुपर इस्मेसमा ३६ बलमा सतक जडेकी छिन ।

उनले ओटागो स्पार्क विरुद्धको खेलमा ३८ बलमा १०८ रनको पारी खेलेकी हुन । त्यसक्रममा उनले ९ छक्का र ९ चौका प्रहार गरेकी थिइन । सोफी डिवाइनको सतकमा विलिंग्टन ब्लेजले ओटागोले दिएको १२९ रनको लक्ष्य ८.४ ओभरमा पुरा गरेको थियो ।

सतक जडेसँगै उनी महिला तर्फको क्रिकेटमा सबै भन्दा छिटो सतक बनाउने खेलाडी बनेकी छिन । यस अघि २०१० मा वेस्टइन्डिजकी डिंड्रा डॉटिने साउथ अफ्रिका विरुद्धको खेलमा ३८ बलमा सतक जडेकी थिइन । सोफी डिवाइनले डिंड्रा डॉटिनको १० वर्ष पुराने रेकर्ड तोड्दैँ आफ्नो नाममा नयाँ रेकर्ड बनाएकी हुन ।

सोफी डिवाइनले न्यूजिल्याण्ड क्रिकेट टिमका लागि २०२ अन्तराष्ट्रिय खेल खेल्दैँ ब्याटिङ्गमा ४७०४ रन बनाएकी छिन भने बलिङ्गमा १६४ विकेट लिएकी छिन ।