हामी सबैकाे संसारन्यूज

माघ १, काठमाडौं । नेकपाका अध्यक्ष माधवकुमार नेपालले प्रधानमन्त्री केपी शर्मा ओलीको चिन्तन र कार्यशैलीमा नै समस्या रहेको बताएका छन् । नेपाल बुद्धिजीवी संगठनले बिहिबार काठमाडौंमा आयोजना गरेको एक कार्यक्रममा बोल्दै उनले यस्तो बताएका हुन् ।

नेता नेपालले ओलीको कार्यशैलीबाट पार्टीभित्र मात्रै नभई प्रतिपक्षी पार्टीका नेताहरु पनि पीडित भएको बताए । आफुँहरुको कदमलाई कतिपयले अपराध जसरी टिप्पणी गरिरहेको भन्दै नेपालले ओलीलाई हस् हजुर नभन्नु नै अपराध भएको बताए ।

‘नीतिगत विषयमा, राष्ट्रिय सरोकारका विषयमा, जनसरोकारका विषयमा, सुशासन र सरकारको प्रभावकारिताका विषयमा, जनविश्वास आर्जन गर्न चाहिने कदमहरुका विषयमा छलफल गर्नुपर्‍यो, हाम्रो अपराध भनेको छलफलको माग गर्नु हो’, उनले भने, ‘उहाँ ९ओली०को कुरामा हस्, हजुर नभन्नु नै हाम्रो अपराध हो।’

उनले आफुँहरुले ओलीलाई कुनै ठाउँमा अप्ठयारो नपारेको बताए । ‘केपी ओलीले प्रधानमन्त्री पदको गरिमा राख्न सक्नु भएन, उहाँ सानो गुटमा रमाउनु भयो, आफ्नो भजन गाउनेहरूलाई मात्रै समातेर अघि बढ्नु भयो, हामीले उहाँलाई केही न्याकेका होइनौं ’, उनले भने ।

ओलीले बहुमत गुमाए पछि मनपरी गरेको नेता नेपालको भनाई छ ।