Sansar News
१ पौष, काठमाडौं । काठमाडौं उपत्यका खानेपानी लिमिटेडको बाँसबारी पानी पोखरीबाट ९ दिन बिराएर खानेपानी वितरण हुने भएको छ । पानी पोखरीबाट पानीको उत्पादन कम भएपछि ९ दिन बिराएर खानेपानी वितरण गर्ने भएको हो ।
योभन्दा अगाडी पनि पाँच दिन बिराएर खानेपानी बाँड्दै आएको पोखरीले ९ दिन बिराएर वितरण गर्ने बताएको छ । कम्पनिले ९ दिन बिराएर खानेपानी वितरण गर्ने गरी मंगलबारदेखि नयाँ तालिका जारी गरेको छ । बाँसबारी पानी पोखरीबाट महाराजगञ्ज, क्षेत्रपाटी, महाँकालचौरलगायतका क्षेत्रमा पाँच दिन बिराएर पानी वितरण गर्दै आएको छ ।
कम्पनिका अनुसार सुख्खायाममा पानीको उत्पादन कम भएकाले ९ दिन बिराएर खानेपानी वितरण गर्नु पर्ने भएको हो । साथै बाँसबारी पानी पोखरीबाट बिहान ३ बजेदेखि खानेपानी बितरण सुरु गरिने र बेलुकाको समयमा पनि ३ बजे नै खोल्ने गरेको कम्पनिले जनाएको छ ।
यस्तो छ पानी वितरणको तालिका
वि.सं.२०७७ माघ १ बिहीवार १५:५० मा प्रकाशित
