हामी सबैकाे संसारन्यूज

२ माघ, काठमाडौँ । तिनाउ मिसन डेभलपमेण्ट बैंक लिमिटेडको १४ औं वार्षिक साधारण सभा माघ १५ गते बिहिबार हुने भएको छ ।

सभामा बैंकको सञ्चालक समितिको बैठकले गरेको निर्णय अनुसार आर्थिक वर्ष २०७६ र ७७ को मुनाफाबाट बैंकका सेयरधनीहरूलाई ६ प्रतिशतले हुन आउने १० करोड ८७ लाख ८७ हजार ६ सय ३२ रुपैयाँ ५ पैसा बराबरको बोनस शेयर वितरण गर्ने प्रस्ताव पारित गरिनेछ ।
नेपाल स्टक एक्सचेञ्ज (नेप्से) मा तिनाउ मिसन डेभलपमेण्ट बैंक लिमिटेडको सेयरमूल्य समायोजन भएको छ ।

बैंकको ६ प्रतिशत बोनस सेयर पछि नेप्सेले प्रतिकित्ता १८६ रूपैयाँ कायम हुने गरी सेयर मूल्य समायोजन गरेको हो । नेप्सेले बुधबारको अन्तिम कारोबार मूल्य १९७ रुपैयाँका आधारमा मूल्य समायोजन गरेको हो ।