Sansar News
माघ ३, काठमाडौं । प्रदेश १ का मुख्यमन्त्री शेरधन राईले बिहे गर्ने भएका छन् । राईले ज्याङ्मु एन शेर्पा नामकी युवतीसँग बिहे गर्न लागेका हुन् ।
राई र शेर्पाबीच आगामी माघ ११ मा विवाह हुने तय भएको जनाइएको छ ।
२७ वर्षले कान्छी छिन् शेर्पा
मुख्यमन्त्री राईसँग वैवाहिक सम्बन्धमा जोडिदैँ गरेकी शेर्पा राईभन्दा उमेरले भने निकै कान्छी छिन् । उनी उमेरले मात्रै २३ वर्ष पुगेको बताइएको छ ।
हाल मुख्यमन्त्री राई भने उमेरले ५० वर्षका भएका छन् । दुईबीचको उमेरको अन्तर निकै धेरै अर्थात् २७ वर्षको छ ।
जनाइएअनुसार उमेरमा निकै अन्तर भएका राई र शेर्पाबीच प्रेमसम्बन्ध पश्चात विवाह हुन लागेको हो ।
मोडल हुन् शेर्पा
संखुवासभा पुर्खौली घर भएकी शेर्पा पेशाले भने मोडेल हुन् । उनी सन् २०१८ मा भएको मिस मंगोल नेपाल प्रतियोगितामा प्रथम भएकी थिइन् ।
वि.सं.२०७७ माघ ३ शनिवार १७:२२ मा प्रकाशित
