हामी सबैकाे संसारन्यूज

माघ ३, काठमाडौं । जनता समाजवादीका नेता डा. बाबुराम भट्टराईले कामचलाउ सरकारका परराष्ट्रमन्त्री प्रदिप ज्ञवालीको भारत भ्रमण व्यर्थ भएको टिप्पणी गरेका छन् । सामाजिक सञ्जालमार्फत उनले यस्तो टिप्पणी गरेका हुन् ।

उनले मन्त्री ज्ञवाली रित्तो कुटुरो बोकेर फर्किएको बताए । ‘विदेशमन्त्री ज्ञवाली कुवेलाको भारतभ्रमणपछि ‘कुराकानी भएको’ ‘छळफल भएको’ ‘विचारको आदानप्रदान भएको’ ‘गतिदिने सहमति भएको’ ‘प्राथमिकतामा राख्ने सहमति भएको’आदि रित्तो कुटुरो बोकेर फर्कनुभएछ’, ट्विटरमा उनले भनेका छन् ।

विदेशमन्त्री ज्ञवाली कुवेलाको भारतभ्रमणपछि ‘कुराकानी भएको’ ‘छळफल भएको’ ‘विचारको आदानप्रदान भएको’ ‘गतिदिने सहमति भएको’ ‘प्राथमिकतामा राख्ने सहमति भएको’आदि रित्तो कुटुरो बोकेर फर्कनुभएछ!देशको जटील भूराजनीतिक स्थिति नबुझी कैले बुरूक्क उफ्रिने र कैले लम्पसार पर्नेको हालत यस्तै हुन्छ!

— Baburam Bhattarai (@brb1954) January 16, 2021

उनका अनुसार देशको आन्तरिक अवस्था नबुझी भारतसँग लम्पसार पर्न जाँदा अवस्था यस्तो भएको हो । ‘देशको जटील भूराजनीतिक स्थिति नबुझी कैले बुरूक्क उफ्रिने र कैले लम्पसार पर्नेको हालत यस्तै हुन्छ’, उनले भनेका छन् ।

परराष्ट्रमन्त्री ज्ञवाली बिहिबार परराष्ट्रमन्त्रीस्तरीय संयुक्त आयोगको बैठकमा सहभागी हुन भारत गएका थिए । उनी शनिबार दिउसो नेपाल फर्किएका छन् । सीमा विवादलगायतका एजेण्डामा छलफलका लागि गएका उनी सीमाको विषयमा छलफल नै नगरी फर्किएको विषय बाहिरिएको छ ।

सम्बन्धित समाचार

तीन दिने भ्रमणका लागि परराष्ट्रमन्त्री भारत प्रस्थान