हामी सबैकाे संसारन्यूज

माघ ४, काठमाडौं । प्रकाशित समाचारलाई लिएर सर्वोच्च अदालतले जारी गरेको प्रेस विज्ञप्तीप्रति प्रेस संगठनले आपत्ति जनाएका छ । आइतबार एक प्रेस विज्ञप्ती जारी गर्दै प्रेस संगठनका संयोजक महेश्वर दाहालले अदालतको विज्ञप्ती खेदजनक भएको बताए ।

अदालतले सञ्चार माध्यमको नामै किटेर धम्कीपूर्णं भाषा प्रयोग गरेको भन्दै संगठनले आपत्ति जनाएको छ । ‘रातोपाटी डटकम र नेपाल खबर डटकम अनलाइनमा प्रकाशित समाचारको बिषयलाई लिएर सर्वोच्च अदालतबाट जारी प्रेस विज्ञप्तिप्रति हाम्रो गम्भीर ध्यानाकर्षण भएको छ, यही मिति २ माघ २०७७ मा जारी विज्ञप्तिमा आचारसंहिता र कानुनको हवाला दिदै सञ्चार माध्यम र सञ्चारकर्मीहरु विरुद्ध चेतावनीपूर्ण भाषा प्रयोग गरिएको छ, न्यायको सर्वोच्च थलो जनताको आस्था र विश्वासको केन्द्र सम्मानित सर्वोच्च अदालतबाट त्यस प्रकारको भाषा शैली सहित सञ्चार माध्यमहरुको नामै किटेर धम्कीपूर्ण भाषा प्रयोग गरिनु खेदजनक छ’, विज्ञप्तीमा भनिएको छ ।

संविधानलाई उल्लंघन गरि संसद विघटन गरिएको परिस्थितिमा अदालतले सञ्चार माध्यमलाई धम्क्याउने गरि निकालेको विज्ञप्तीप्रति आफुँहरु गम्भीर भएको प्रेस संगठनको भनाई छ ।

यस्तो छ विज्ञप्ती