हामी सबैकाे संसारन्यूज

५ माघ, पोखरा । गण्डकी प्रदेशमा थप २ कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार  तनहुँ भिमाद ६ की ५० वर्षीया महिलाको आइतबार राति १०ः३० बजे मृत्यु भएको हो ।
स्वास्थ्य विज्ञान प्रतिष्ठान पोखरामा उपचाररत उनमा पुस २८ गते कोरोना संक्रमण भएको पुष्टि भएको थियो ।

त्यसैगरी पोखरा महानगरपालिका ८ का ७३ वर्षीय कोरोना संक्रमित पुरुषको पनि आइतबार दिउँसो १ः४० बजे मृत्यु भएको निर्देशनालयले जानकारी दिएको छ ।

पोखरा स्वास्थ्य विज्ञान प्रतिष्ठानमा उपचाररत उनमा पुस २१ गते कोरोना संक्रमण भएको पुष्टि भएको थियो ।

आज थपिएका २ जनासँगै प्रदेशमा कोरोना संक्रमणबाट ज्यान गुमाउनेको कूल संख्या १९९ पुगेको छ ।