Sansar News
काठमाडौं । हिमालय एअरलाइन्सले मंगलबार चीनको ल्हासामा आफ्नो पहिलो परिक्षण उडान गरेको छ ।
त्रिभुवन अन्तर्राष्ट्रिय विमान स्थलबाट बिहान सभा ७ बजे उडेको एअरलाइन्सको जहाज ल्हासा १०ः४६ मा पुगेको हो । त्यहाँबाट विमान आजै दिउँसो स्थानीय समय अनुसार ३ बजे काठमाडौंका लागि उड्नेछ ।
अहिले परीक्षण उडान गर्ने र पछि व्यवसायिक उडान गर्ने कम्पनीको योजना छ । ल्हासा संसारको सबैभन्दा उच्च स्थानमा रहेको अन्तर्राष्ट्रिय विमानस्थल हो ।
कम्पनीको नयाँ विमान ए ३१९–११ न्यारोबडी विमानबाट उडान परीक्षण गरेको हो । विमानमा १२० इकोनोमी र ८ वटा बिजनेस क्लास सिट छन् । विमान अधिकतम १४ हजार ५०० फिटसम्मको एअरोड्रममा उडान गर्न सक्छ ।
वि.सं.२०७७ माघ ६ मंगलवार १४:३७ मा प्रकाशित
