Sansar News
माघ ६, काठमाडौं । विभाजिन नेकपाको प्रचण्ड–नेपाल पक्षको प्रदेश १ को संसदीय दलको बैठक सुरु भएको छ । बैठक विराटनगरस्थित होटल एसियाटिकमा सुरु भएको छ । बैठकमा ३३ सांसद उपस्थित भएका छन् ।
गत पुस १२ मा मुख्यमन्त्री शेरधन राईविरुद्व प्रचण्ड–नेपाल पक्षीय नेकपाका बहुमत सांसद अर्थात ३७ सांसदले अविश्वासको प्रस्ताव दर्ता गरेका थिए । तर, मंगलबार बसेको बैठकमा हस्ताक्षर गरेका ४ सांसद भने अनुपस्थित भएका हुन् । अविश्वासको प्रस्तावमा हस्ताक्षर गरेका ५ सांसदले यसअघि नै हस्ताक्षर फिर्ता गरेका थिए ।
याे पनि पढ्नुहाेस्
प्रदेश १ को प्रदेशसभामा ९३ सांसदमध्ये नेकपाका ६७ जना सांसद छन् । पछिल्लो संसदीय दलको बैठकले प्रचण्ड–नेपाल पक्षमा ३३ सांसदको मात्रै समर्थन रहेको देखिएको छ ।
प्रदेश १ को हिउँदे अधिवेशन बुधबारदेखि सुरु हुँदैछ । प्रचण्ड–नेपाल पक्षले दर्ता गरेको अविश्वासको प्रस्ताव निर्णयार्थ प्रस्तुत हुनेछ । तर, अविश्वासको प्रस्ताव दर्तासँगै अल्पमतमा देखिएका राईको सरकार रहन्छ या रहँदैन् कांग्रेसको हातमा निर्भर रहनेछ ।
सम्बन्धित समाचार
प्रदेश १ को राजनीति : प्रचण्ड–माधव समूह छाड्दै तीन सांसदले दिने भए शेरधनलाई साथ
वि.सं.२०७७ माघ ६ मंगलवार १४:४२ मा प्रकाशित
