हामी सबैकाे संसारन्यूज

माघ ८, काठमाडौं । प्रधानमन्त्री केपी शर्मा ओलीले पुष्पकमल दाहाल प्रचण्ड निकै नै परिवारवाद र नातावादमा लिप्त भएको आरोप लगाएका छन् । उनले प्रचण्ड देश र जनताका निम्ति नभई छोराछोरी र आफन्तका निम्ति मात्रै लडिरहेको आरोप लगाए ।

आफुँ पक्षीय प्रेस संगठनको भेलालाई काठमाडौंमा सम्बोधन गर्दै प्रधानमन्त्री ओलीले भने – एकजनाले मलाई जवाफ दिए, केपी ओलीका छोराछोरी छैनन्, मेरा त ज्वाईँ छन् । छोराछोरी छन्, हेर्नै पर्यो, बनाउनै पर्या । छोरी भएका मान्छेले त मेयर बनाउनै बनाउनै पर्यो । मतपत्र च्यात्नै पर्यो । ज्वाईँ छन् घर गाडी किन्दिनै पर्यो । गजब हो । बाबु त यस्तो होस्, ससुरो त त्यस्तो होस् ।

प्रचण्डले अरुका छोराछोरीको भविष्यमाथि निकै खेलबाड गरेको पनि आरोप ओलीको छ । उनले लड्दा अरुका छोराछोरी चाहिने तर पद बाँड्दा आफ्ना चाहिने भनि प्रश्न पनि गरेका छन् ।

ओलीको प्रश्न छ, ‘उहाँलाई त्यो ठाउँमा पुर्याउने योद्धाहरुका छोराछोरी छन् कि छैनन् ? उनीहरुका ज्वाइ छन् कि छैनन् ? ज्यान दिने बेला जनताका छोराछोरी चाहियो,लड्ने बेला आफ्ना छोराछोरी विदेशमा राख्ने अनि मार्ने बेला मेरा त छोराछोरी छन् भन्ने ?जनताका छोराछोरी खेलाउने पुतली हन् ? उनीहरुको अवस्था के छ ?’