हामी सबैकाे संसारन्यूज

८ माघ, काठमाण्डौं । विश्वविद्यालय कर्मचारी एकिकरण अभियान तथा विश्वविद्यालय कर्मचारी संघ राष्ट्रिय समितिले शुक्रबारको जनप्रदर्शनमा ऐक्यबद्धता जनाउन अपिल गरेको छ ।

संघका संयोजक दिपक तिवारीले विहिबार एक विवज्ञप्ति जारी गर्दै प्रधानमन्त्री केपी शर्मा ओलीद्धारा गरिएको प्रतिनिधिसभा विघटनकाविरुद्ध शुक्रबार आयोजित बिशाल जनप्रदर्शनमा  ऐक्यबद्धता जनाउन विश्वविद्यालयका कर्मचारी, प्राध्यापक, र विद्यार्थीहरुलाई अपिल गरेका हुन् ।

‘सार्वभौम प्रतिनिधिसभा विघटन गरी जनताको अपेक्षामाथि विश्वाससघात गरिएको यो स्थितिमा विश्वविद्यालयका कर्मचारी, प्राध्यापक, र विद्यार्थीहरुले हिजोको आन्दोलनहरुमा पुर्याएको योगदानको स्मरण गर्दै प्रतिगमनको विरुद्धमा आफूलाई उभ्याउन जरुरी भएको महसुस स्मरण गराउन चाहान्छु ।’ संयोजक तिवारीद्धारा जारी विज्ञप्तिमा भनिएको छ ।