हामी सबैकाे संसारन्यूज

१० माघ, काठमाडौं । नेपाल कम्युनिष्ट पार्टी(नेकपा) प्रचण्ड–माधव समूहले थप आन्दोलनका कार्यक्रमबारे छलफल गर्न स्थायी कमिटी बैठक बोलाएको छ ।

प्रतिनिधिसभा विघटनविरुद्ध शुक्रबार काठमाडौंमा शक्ति प्रदर्शन गरेको यो समूहले थप आन्दोलनका कार्यक्रमबारे छलफल गर्न आइतबार स्थायी कमिटीको बैठक बोलाएको हो ।
शनिबार केन्द्रीय कार्यालय पेरिसडाँडाँमा उपलब्ध स्थायी कमिटी सदस्यहरु बीच भएको छलफलले आइतबार स्थायी कमिटीको बैठक बसी शुक्रबारको पार्टीको विरोध सभाको समिक्षा गरेको थियो ।पार्टी प्रवक्ता नारायणकाजी श्रेष्ठले आइतबार साढे बाह्र बजे बस्ने जानकारी दिए ।

आइतबार बस्ने स्थायी कमिटीको बैठकले थप एजेण्डामा छलफल गर्नुका साथै प्रधानमन्त्री समेत रहेका केपी शर्मा ओलीलाई पार्टीबाटै निष्कासन गर्ने एक नेताले जनाए ।

यसअघि पार्टीको अनुशासन र विधि विधान विपरित काम गरेको भन्दै स्पस्टीकरण सोधेकोमा उनले उक्त स्पस्टीकरणको जवाफ नदिएपछि आइतबारको बैठकले पार्टीबाटै निष्कासन गर्ने ती नेताले बताए ।

प्रचण्ड–माधव समूहले गरेको शुक्रबारको विरोध प्रदर्शनमा पार्टी अध्यक्ष माधवकुमार नेपालले प्रधानमन्त्री ओलिले स्पष्टिकरणको कुनै जवाफ नपठाएको भन्दै छिट्टै कार्वाही गर्ने संकेत गरेका थिए ।