Sansar News
१३ माघ, काठमाडौँ । नेपाली कम्युनिष्ट आन्दोलनको अग्रणी पंक्तिका क्रान्तिकारी नेता खम्बसिं कुँवरको निधन भएको छ ।
नेपाल कम्युनिष्ट पार्टी(नेकपा)का विभिन्न हाँगाहरुमा काम गर्दै नेकपा चौंथो महाधिवेशन, मशाल र माओवादी आन्दोलन समेतको अभिभावकिय भूमिका निर्वाह गरेका कुँवरको ९४ वर्षको उमेरमा निधन भएको हो ।
विगत केही समयदेखि उमेर र स्वास्थ्य दुवैको प्रतिकुलताका बाबजुद् कम्युनिष्ट आन्दोलनको एकता र क्रान्तिकारीकरणमा चासो राख्दै आएका कुँवर खम्बसिं ‘काजी साहेब’ का नामले समेत परिचित छन् ।
उनको निधनपछि नेपाली कम्युनिष्ट आन्दोलनका सबै धाराका नेता कार्यकर्ताहरुले गहिरो दुःख व्यक्त गर्दै भावपूर्ण श्रद्धाञ्जली अर्पण गरेका छन् ।
वि.सं.२०७७ माघ १३ मंगलवार ०९:३५ मा प्रकाशित
