Sansar News
१३ माघ, काठमाडौं । राजधानीको धुमबाराहीमा रहेको होटल विभोरमा एक युवा मृत फेला परेका छन् ।
सोमबार बिहान ७ बजे युवतीसँगै धुमबाराहीमा रहेको भिवोर होटलमा पुगेका बुढानिलकण्ठको चुनिखेलका ३१ वर्षीय युवा होटलको कोठामा मृत भेटिएका हुन् ।
उनको के कारणले मृत्यु भयो भन्ने घटनाका विषयमा अनुसन्धान भइरहेको काठमाडौं प्रहरी परिसरका प्रवक्ता रमेश कुमार बस्नेतले बताएका छन् । युवकको शरिरमा कुनै चोटपटक नरहेको तथा पोस्टमार्टमपछि मात्र मृत्युको कारण पत्ता लाग्ने पनि उनले सँसारन्युजसँग भने ।
उनका अनुसार बुढानिलकण्ठको चुनिखेलका ३१ वर्षीय युवा होटलको कोठामा मृत भेटिएका हुन् ।
युवकसँग सँगै होटलमा पुगेकी युवतीलाई प्रहरीले पक्राउ गरेको छ । युवतीले, युवकले छाति दुःख्यो भनिरहेको अवस्थामा आफू बाहिर गएको र पछि फर्किएर आउँदा मृत भेटिएको सोधपुछका क्रममा बताएको पनि प्रहरीले जनाएको छ ।
प्रहरीले होटलका संचालक तथा कर्मचारीमाथि पनि अनुसन्धान गरिरहेको बताएको छ ।
वि.सं.२०७७ माघ १३ मंगलवार १३:४६ मा प्रकाशित
