Sansar News
फाइल तस्विर
१३ माघ, काठमाडौँ । सन् २०२० मा नेपालमा सबैभन्दा विभिन्न विपद्का घटनाबाट ४ हजार ४९६ जनाको मृत्यु भएको छ ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणले सार्वजनिक गरेको एक विवरणअनुसार सन् २०२० मा विपद्का घटनाहरूबाट ४ हजार ४९६ जनाको मृत्यु भएको छ भने १०२ जना बेपत्ता भएका छन् ।
त्यसमा सबैभन्दा बढी सडक दुर्घटनामा परेर मृत्यु भएको छ भने त्यसपछि कोभिडका कारण ज्यान गुमाएका छन् ।
सडक दुर्घटनामा २०८५ जनाको मृत्यु भएको छ भने कोभिडका कारण १८५६ जनाको मृत्यु भएको छ । सडक दुर्घटना र कोभिड १९ का कारण मात्र ८८ प्रतिशतको ज्यान गएको तथ्यांकमा उल्लेख छ ।
यसैगरी, पहिरोमा परी ३०३ जनाको मृत्यु भएको छ भने ६४ जना बेपत्ता छन् । चट्याङ्ग लागेर ८२ जनाको, आगलागीमा परी ५३ जनाको मृत्यु भएको छ । बाढीमा परी ४२ को मृत्यु र ३७ जना बेपत्ता छन् । सर्पले डसेर मृत्यु हुनेको संख्या २१ रहेको तथ्यांकमा उल्लेख छ ।
सन् २०२० मा विपदका विघिन्न घटनाहरुबाट ४,४१६ मानिसको मृत्यु भएको र १०२ जना बेपत्ता भएको थियो । त्यसमध्ये सडक दुर्घटनाबाट मात्र २,०८५ जनाको मृत्युभ एको थियो भने ५,२६० जना गम्भिर घाइते भएका थिए ।
वि.सं.२०७७ माघ १३ मंगलवार १९:२३ मा प्रकाशित
