हामी सबैकाे संसारन्यूज

१३ माघ, काठमाडौं । नेपालमा आजदेखि कोरोना भाइरसविरुद्धको खोप अभियानसुरु हुँदैछ ।

भारत सरकारले उपलब्ध गराएको १० लाख कोभिसिल्ड खोप अभियानको आज बिहान १० बजे प्रधानमन्त्रीले राजधानीका विभिन्न ११ अस्पतालबाट भर्चुअलमार्फत् शुभारम्भ गर्नेछन् । यो खोप पहिलो चरणमा कोरोना भाईरसको उपचारमा खटिएका फ्रन्टलाइनरहरुले लगाउन पाउनेछन् ।

विश्वका विभिन्न देशमा कोरोना विरुद्धको खोप अभियान सुरु भइसकेको र यसमा नेपाली पनि सहसभागी भइसकेको अवस्थामा नेपालमा भने आजदेखि सुरु हुँदैछ । साथै खोप लगाइसकेपछि यसबाट हुने असरका बारेमा पनि विभिन्न कोणबाट विचार आइरहेका छन् ।

आजबाट सुरुवात हुने खोप अभियानमा खोप लगाउने पहिलो व्यक्ति हुनेछन् सहिद शुक्रराज ट्रपिकल अस्पतालका निर्देशक डा. सागरराज  भण्डारी। उनले कोरोना भाइरससविरुद्धको खोप सुरक्षित छ भन्ने सन्देश दिन अस्पतालका तर्फबाट पहिलो खोप आफुले लगाउने घोषणा गरेका हुन् ।

नेपालमा आजदेखि कोरोना भाईरसविरुद्धको खोप अभियान सुरु