Sansar News
१४ माघ, लण्डन । कोभिड १९ का कारण बेलायतमा एक नेपालीले मृत्यु भएको छ । ताप्लेजुङ् जिल्ला सिकैंचा पुख्यौली घर भई लामो समयदेखि बेलायतमा बस्दै आएका डा. चन्द्र लक्सम्बाको कोरोनाका कारण मृत्यु भएको हो ।
नेपालको प्रगतिशील विद्यार्थी आन्दोलनबाट उदाएका उनी अस्कल क्याम्पसको पूर्व स्वबियु सभापतीसमेत बनेका थिए । उनी लामो समय ब्रिटिश सेनामा सेवा गरेर अवकाश पछि फेरी प्राज्ञिक अध्ययन, अनुसन्धानमा संलग्न भएका थिए ।
ब्रिटिश गोर्खामा नेपाली आर्मीको असमान पेन्शनको आन्दोलनको अगुवाई, नेपाली समुदायको बेलायतमा जनगणनामा उनको भूमिका रहेको थियो ।
वेलायतको नेपाली समुदायसंग घुलमिल हुने अत्यन्त मिलनसार एक असल सामाजिक अभियन्ताको रूपमा धेरैले उनको संस्मरण गरेका छन् ।
नेपाली समुदायको हक़हित र न्यायको लागी क्रियाशील बामपन्थी बौद्धिक व्यक्तित्व डा. चन्द्र लक्सम्बाको निधनले बेलायतबासी नेपालीले एक होनाहार व्यक्तित्व गुमाएको छ । उनको निधनप्रति सबै क्षेत्र र तह तप्काकाले दुःख व्यक्त गरेका छन् ।
वि.सं.२०७७ माघ १४ बुधवार ०९:१३ मा प्रकाशित
