हामी सबैकाे संसारन्यूज

माघ १४, काठमाडौं । विभाजित नेपाल कम्युनिष्ट पार्टी (नेकपा)लाई एक बनाउने उद्घोषसहित उपाध्यक्ष वामदेव गौतमले पार्टी एकता राष्ट्रिय अभियानको सुरु गरेका छन् । बुधबार धोबिघाटस्थित सिद्धार्थ एक पार्टी प्यालेसमा विशेष कार्यक्रम गरि उनले अभियानको सुरु गरेका हुन् ।

अभियानको घोषणा गर्दै उनले प्रधानमन्त्री केपी शर्मा ओली र पुष्पकमल दाहाल प्रचण्डलाई आफुँले मात्रै मिलाउन सक्ने दाबी गरे । उनले विभाजनबाट कसैको भलो नहुने भन्दै एकताको अभियानमा लाग्न सबैलाई आग्रह गरेका छन् ।

यो पनि…

वामदेवले सुरु गरेको एकता अभियान, को–को भए सहभागी ?

गौतमले पार्टी एकताको लागि ७ पृष्ठ लामो अवधारणापत्र पनि अगाडि सारेका छन् । उनले अवधारणा पत्रमा प्रतिनिधि सभा पुनर्स्थापना भएमा वा निर्वाचन भएमा दुवै अवस्थामा भिन्न–भिन्न केन्द्रअन्तर्गत पार्टी सञ्चालन र कार्यगत एकताको आधारमा निर्वाचनमा सामेल हुने, सरकार संचालन गर्ने अवसर प्राप्त भएमा संयुक्त सरकार संचालन गर्ने प्रक्रिया अवलम्बन गरिने उल्लेख छ।

अवधारणा पत्रमा दुवै पक्षसँग मित्रतापूर्णं सम्बन्ध राख्ने अगाडि बढ्ने उल्लेख छ । अवधारणापत्रमा भनिएको छ, ‘फरक–फरक नाममा विधिवत् आ–आफ्ना पार्टी सञ्चालन गरिएको अवस्थामा पनि मित्रतापूर्ण सम्बन्ध कायम राख्दै पार्टी एकीकरणका निम्ति अथक प्रयत्न गरिनेछ। तब पनि पार्टी एकीकरण हुन सकेन भने एकता राष्ट्रिय अभियान केन्द्रीय समितिको बैठकबाट कसरी अगाडि बढ्ने भन्ने सम्बन्धमा आवश्यक निर्णय गरिनेछ ।’

यस्तो छ वामदेवले अगाडि सारेको अवधारणा पत्र