हामी सबैकाे संसारन्यूज

माघ १५, काठमाडौं । निर्वाचन आयोगले विभाजित नेकपाका दुवै पक्ष प्रधानमन्त्री केपी शर्मा ओली र पुष्पकमल दाहाल प्रचण्ड तथा माधवकुमार नेपाललाई छलफलको लागि बेलाएको छ । आयोगले शुक्रबार विहान साढे ११ बजे छलफलका लागि बोलाएको आयोगका प्रवक्ता राजकुमार श्रेष्ठले जानकारी दिए ।

पार्टी विभाजनसँगै सुरु भएको आधिकारिताको लडाईँमा निर्वाचन आयोगले दुवै पक्षलाई आधिकारिता दिन अस्वीकार गरेको थियो । गत माघ ११ मा बसेको निर्वाचन आयोगको बैठकले साबिक नेकपालाई नै आधिकारिक मान्ने निर्णय गरेको थियो । पार्टी विभाजन नै नभएको निर्वाचन आयोगको ठहर छ ।

प्रधानमन्त्री ओलीले गत पुस ५ मा प्रतिनिधि सभा विघटन गरेका थिए । ओलीले प्रतिनिधि सभा विघटन गरेसँगै नेकपा विभाजित बनेको थियो ।

अहिले नेकपाको ओली पक्षले सरकार चलाईरहेको छ भने प्रचण्ड–नेपाल पक्ष संसद विघटनविरुद्व सडक आन्दोलनमा छ । विभाजित भईसकेको नेकपाको कुन पक्ष आधिकारिक भन्ने लडाईँमा निर्वाचन आयोगले भने अन्यौंलपूर्णं निर्णय गर्दै साबिकलाई नै आधिकारिक मान्ने निर्णय गरेको छ ।