Sansar News
माघ १६, काठमाडौं । विभाजिन नेपाल कम्युनिष्ट पार्टी (नेकपा)को प्रचण्ड–नेपाल समुह निकट अनेरास्ववियूले संसद विघटनविरुद्व तेस्रो चरणको आन्दोलनका कार्यक्रम घोषणा गरेको छ । अनेरास्ववियूले माघ १६ देखि २५ सम्म आन्दोलनका कार्यक्रम घोषणा गरेको हो ।
अनेरास्ववियूको आन्दोलनका कार्यक्रममा मन्त्रिहरुलाई सार्वजनिक बहिस्कार गर्नेदेखि चक्काजाम गर्नेसम्मका छन् । आन्दोलनका कार्यक्रममा आगामी माघ २१ गते सबै क्याम्पसहरु अगाडि ३० मिनेट चक्काजाम गर्ने पनि उल्लेख छ ।
अनेरास्ववियूले नयाँ नक्सासमेटिएको पाठ्यपुस्तक सार्वजनिक गरी अध्ययन सुचारु गर्न पनि माग गरेको छ ।
यस्तो छ अनेरास्ववियूको विज्ञप्ती
वि.सं.२०७७ माघ १६ शुक्रवार १३:४१ मा प्रकाशित
