हामी सबैकाे संसारन्यूज

माघ १६, काठमाडौं । प्रतिनिधि विघटनसम्बन्धी मुद्दामा बहस गर्न वरिष्ठ अधिवक्ता रमण श्रेष्ठले ५ घण्टा समय माग गरेका छन् । शुक्रबारको संवैधानिक इजलासमा उनले आफुँलाई बहसका लागि ५ घण्टा उपलब्ध गराउन माग गरेका हुन् ।

उनको मागलाई प्रधानन्यायाधीश चोलेन्द्र शमशेर राणाले भने अस्वीकार गरेका छन् । ‘सबैलाई पाँच घण्टा समय दिएर कहिले यो मुद्दाको टुंगो लगाउने ?’, श्रेष्ठकाे मागमा उनले भनेका छन् ,‘ तपाईंहरूलाई अप्रिय हुन्छ भन्या मान्नुहोस्, बरु बहस नोट दिनुहोस्, तपाईंले मागेको पाँच घण्टा हुँदैन ।’

तर, श्रेष्ठले भने आफुँले नयाँ विषय राख्न चाहेको भन्दै समय दिन जिकिर गरेका थिए । तर, प्रधानन्यायाधीशसले उनलाई अन्तिममा १ घण्टाको समय दिएका छन् ।

अधिवक्ता श्रेष्ठ नेकपाको संसदीय दलका प्रमुख सचेतक देव गुरुङसमेतको रिटमा बहसका लागि सहभागी छन् । उनीसहित गुरुङको रिटमा ६६ जना कानून व्यवसायी सहभागी छन् ।