Sansar News
माघ १९, काठमाडौं । विभाजित नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डविरुद्व अदालतको अवहेलनासम्बनधी मुद्दा दर्ता भएको छ । सर्वोच्च अदालतमा आइतबार पेश गरिएको निवेदन सोमबार अदालत खुलेसँगै दर्ता भएको हो ।
प्रचण्डविरुद्व अधिवक्ता समीर हायुले अदालतमा मुद्दा दर्ता गराएका हुन् । दर्ता मुद्दाको पेशी भोली मंगलबारका लागि तोकिएको छ ।
रिट निवेदनमा प्रतिनिधि सभा विघटनविरुद्व आन्दोलरत नेकपाका अध्यक्ष प्रचण्डले पटक–पटक प्रतिनिधि सभा विघटनविरुद्वको सुनुवाईलाई प्रभावित पार्न खोजेको बताइएको छ ।
यसअघि प्रधानमन्त्री केपी शर्मा ओलीसहित चार पूर्वप्रधानन्यायाधिशहरु विरुद्ध पनि अदालतको अवेहलना मुद्दा परेको छ । गत माघ १५ मा सर्वोच्चले एक साताभित्र स्वंय उपस्थित भएर लिखित जवाफ पेश गर्न प्रधानमन्त्रीलाई आदेश गरेको थियो ।
वि.सं.२०७७ माघ १९ सोमवार ११:५६ मा प्रकाशित
