Logo
९ कार्तिक २०७८, मंगलवार
     Tue Oct 26 2021
E-paper
  English Edition
   Unicode
Logo

धोबीखोला कोरिडोरको काम अलपत्र



९ माघ,काठमाडौँ  । एउटै निर्माण व्यवसायीले ढल बिच्छ्याउने र सडक कालोपत्र गर्ने काम नपाउँदा रुद्रमती (धोबीखोला) कोरिडोरको चार किमी सडक कालोपत्र गर्ने काम अलपत्र छ ।

सहरी विकास मन्त्रालयअन्तर्गतको अधिकार सम्पन्न वाग्मती सभ्यता एकीकृत विकास समितिले ढल बिच्छ्याउने र काठमाडौँ उपत्यका विकास प्राधिकरणले सडक कालोपत्र गर्ने जिम्मेवारी पाएपनि काम सम्पन्न हुन सकेको छैन । प्राधिकरणका विकास आयुक्त डा भाइकाजी तिवारी ढल बिच्छ्याइरहेको निर्माण व्यवसायी कम्पनी कान्छाराम जेभीले सडक कालोपत्र गर्ने ठेक्का नपाउँदा काममा ढिलाइ गरेको आरोप लगाउनुहुन्छ ।

“कोरिडोरको भङ्गालदेखि शङखमूलसम्मको १८ किमीमध्ये चार किमी सडक कालोपत्रका लागि गत वर्ष नै ठेक्का आह्वान गरी समानान्तर निर्माण व्यवसायीलाई जिम्मेवारी दिइएको छ । सडक कालोपत्र गर्न ढल ओछ्याइसक्नुपर्ने कान्छाराम निर्माण व्यवसायीले काम नसक्दा चैतसम्मको समय थप गरेका छौँ”– उहाँले भन्नुभयो ।

समितिले रु ३२ करोडको लागतमा नदीको दायाँबायाँ दुवै किनारमा ढल राख्ने काम गरिरहेको छ । समितिका आयोजना प्रमुख राजेशप्रसाद सिंह भने प्राधिकरणलाई एक हप्ताअघि नै विधिवत् रुपमा नदीको पूर्वी भागमा ढल राख्ने काम सम्पन्न गरी सडक कालोपत्र गर्न हस्तान्तरण गरिएको दाबी गर्नुहुन्छ ।

एउटै मन्त्रालयका दुई निकायका बीच समन्वय नहुँदा यो सडक निर्माणको काम अलपत्र बनेको छ ।


यो खबर पढेर तपाईलाई कस्तो महसुस भयो ?

काठमाडौँ । सरकारले सरकारी स्वामित्वको नेपाल पुनर्बीमा कम्पनी लिमिटेड सञ्चालक समितिको अध्यक्षमा डा.रविन्द्र घिमिरेलाई

काठमाडौं । राष्ट्रिय सभाका २० सांसदको पदावधि आगामी फागुन २० मा सकिने भएको छ

८ कार्तिक, काठमाडौँ । एनआईसी एशिया बैंकले गत आर्थिक वर्षको मुनाफाबाट शेयरधनीहरुलाई लाभांश वितरण

काठमाडौं । गत आर्थिक वर्ष २०७७/०७८ मा आफ्नो निर्देशन उल्लंघन गर्ने विभिन्न आठ वाणिज्य

काठमाडौं । स्याङ्जा जिल्ला चापाकोट नगरपालिकाका मेयरमा नेपाली कांग्रेशका पुराना कार्यकर्ता शिव कुमार गिरी