हामी सबैकाे संसारन्यूज

माघ १९, काठमाडौं । राष्ट्रपति विद्यादेवी भण्डारीकी छोरी उषाकिरणले रामकुमारी झाँक्रीको पछिल्लो अभिव्यक्तिमाथि आपत्ती जनाएकी छिन् । उनले झाँक्रीको अभिव्यक्ति आपराधीक खालको भएको पनि टिप्पणी गरेकी छिन् ।

सामाजिक सञ्जालमार्फत उषाकिरणले आफ्नी आमाको सिन्दुर पोते फिर्ता गरेर भोग गरेको जीवन लिएर जान पनि झाँक्रीलाई चुनौति दिएकी छिन् । ‘झाँक्रीलाई नेता मान्ने र सम्पर्कमा भएकोले यो छोरीको प्रश्न सुनाइदिनु’, सामाजिक सञ्जालमा उषाकिरणले भनेकी छिन्, ‘यदि तपाईंलाई लाग्छ आफ्नो माया, आफ्नो जीवनसाथीभन्दा माथी क्यारियर महत्वकांक्षा हो भने, ठाउँ साटौ, तपाईं उहाँको सिन्दूर पोते रातो सारी, हाम्रो बाबा, हाम्रो बाल्यकाल फिर्ता ल्याइदिनुस अनि तपाईंलाई हामीसँग त्यस्तो नाफा भएको के छ जस्तो लाग्छ । लिएर जानुस ।’

केहि दिन अघि एक सार्वजनिक भाषणका क्रममा झाँक्रीले मदन भण्डारीको हत्यापछि सेतो सारीलाई ल्याएर एमालेले शक्ति आर्जन गर्ने गलत सांस्कृतिक अभ्यास गरेको र त्यसैको प्रत्युत्पादन विद्या भण्डारी भएको टिप्पणी गरेकी थिइन् । उनले भण्डारीलाई सेतो सारी लगाएर चुनावमा आउन पनि चुनौति दिएकी थिइन् ।

झाँक्रीको भनाई सार्वजनिक भए लगत्तै उषाकिरणले यस्तो टिप्पणी गरेकी हुन् ।

यस्तो छ उषाकिरणको फेसकुब स्टाटस