Sansar News
माघ १९, काठमाडौं । विभाजिन नेकपाको प्रधानमन्त्री केपी शर्मा ओली पक्षीय नेकपाले आगामी माघ २३ मा काठमाडौं केन्द्रीत प्रदर्शन गर्दैछ । उक्त दिन २ लाख मानिस प्रदर्शनमा उतार्ने तयारी नेकपाको छ ।
जसका लागि काठमाडौंका १६ स्थानबाट र्याली निकाल्ने तयारी गरिएको उक्त समुहको र्याली तथा जनसभा व्यवस्थापन समितिले जनाएको छ ।
जनाइएअनुसार बागबजार, प्रदर्शनी मार्ग, महेन्द्र शालिक पूर्व, घण्टाघर, नेपाल एयरलाईन्स अगाडि, त्रिपुरेश्वर, गौसला, माईतिघर, पुतलीसडक, लैनचौर, सोह्रखुट्टे नयाँ रोडलगायतका स्थानबाट र्याली निकाल्ने तय भएको छ ।
चारैतिरको र्याली नारायणहिटी संग्राहलय अगाडि टुंगीनेछ । ओली पक्षले संग्राहलय अगाडि सभा गर्ने घोषणा यसअघि नै गरेको थियो ।
वि.सं.२०७७ माघ १९ सोमवार १७:५९ मा प्रकाशित
