Sansar News
२० माघ, काठमाडौं । नेपाल कम्युनिष्ट पार्टी (नेकपा) को प्रचण्ड–माधव समु्हका शीर्ष नेताहरु आधिकारिकताको दाबी गर्न निर्वाचन आयोगमा पुगेका छन् ।
सोमबार बसेको पार्टीको केन्द्रीय समितिको बैठकको निर्णय अनुसार आयोगले माग गरे अनुसार अद्याविधिक विवरणसहित आधिकारिकता दावी गर्न सो समूह मंगलबार निर्वाचन आयोग पुगेको हो ।
अध्यक्षद्धय पुष्पकमल दाहाल (प्रचण्ड) र माधव कुमार नेपाल सहितका शीर्ष नेताहरु आधिकारिकता दावी गर्न आयोग पुगेका हुन् ।
उक्त समुहले पार्टीका बुहमत सदस्य आफूहरुसँग रहेकोले निर्वाचन आयोगले आफूहरुलाई नै पार्टीको आधिकारिकता दिनुपर्ने दावी गर्दै आएको छ ।
दुई समुहमा विभाजित रहेको नेकपाका प्रचण्ड-माधव समुहको सोमबारको केन्द्रीय समितिको बैठकले केपी शर्मा ओलीलाई साधारण सदस्य समेत नरहने गरि पार्टीबाट बर्खास्त गरेको छ ।
वि.सं.२०७७ माघ २० मंगलवार ११:३४ मा प्रकाशित
