हामी सबैकाे संसारन्यूज

२० माघ, काठमाडौं । निर्वाचनमा धाँधली भएको बहानामा म्यानमारको सेनाले त्यहाँको शासन सत्ता हातमा लिएर स्टेट काउन्सिलर आङ सान सुकीलगायतलाई नियन्त्रणमा लिएको घटनाको नेपाल तरुण दलले भत्र्सना गरेको छ ।

आइतबार राति म्यानमारको सेनाले नेतृ सुकी, राष्ट्रपति विन मिन्टन र मुख्यमन्त्रीलाई अपदस्त एवं पक्राउ गरी शासन सत्ता आफ्नो हातमा लिएर लोकतन्त्रको हत्या गरेको भन्दै तरुण दलले सूकी लगायतका नेताहरुलाई तत्काल रिहा गर्न आग्रह गरेको छ ।

‘आजको सभ्य मानव समाजलाई नै चुनौतीको रुपमा देखिएको बर्माको सैनिक प्रवृत्तिलाई जनताको जनमतको कदर गर्न र यसो वा त्यसो बहाना नबनाई प्रजातन्त्रको मूल्य मान्यतालाई आत्मसाथ गरी नयाँ संसदको आधिकारीक नतिजालाई स्वीकार गर्न, लोकतन्त्रको धरोहर विश्व समाजवादी नेता आङ सान सुकी लगायत अपदस्थ नेताहरुलाई रिहा गर्न र बर्मामा प्रजातन्त्रको प्रक्रियालाई सुचारु गर्न नेपाल तरुण दल केन्द्रीय समिति चेतावनी दिन चाहान्छ ।’ तरुणदलका केन्द्रीय अध्यक्ष जितजङ्ग बस्नेतद्धारा मंगलबार जारी विज्ञप्तिमा भनिएको छ ।