Sansar News
माघ २१, काठमाडौं । अख्तियार दुरुपयोग अनुसन्धान आयोगका आयुक्त गणेशराज जोशीले राजीनामा दिएका छन् । विवादै विवादका बीच अख्तियारमा प्रमुख आयुक्त र आयुक्तहरु नियुक्ती भएसँगै उनले राजीनामा दिएका हुन् ।
जोशीले राजीनामा गरेको विषय राष्ट्रपति कार्यालयले विज्ञप्ती जारी गर्दै जानकारी गराएको छ । राष्ट्रपति कार्यालयको विज्ञप्तीअनुसार आजकै मितिदेखि लागु हुने गरि उनले राजीनामा दिएका छन् ।
जोशीको कार्यकाल आगामी चैतसम्म थियो ।
आजमात्रै राष्ट्रपति विद्यादेवी भण्डारीले अख्तियारको प्रमुख आयुक्त तथा आयुक्तहरु नियुक्त गरेकी थिइन् । अख्तियारको प्रमुख आयुक्तमा प्रेमकुमार राई र आयुक्तमा किशोरकुमार सिलवाल र जयबहादुर चन्द नियुक्त भएका छन् ।
वि.सं.२०७७ माघ २१ बुधवार १७:१२ मा प्रकाशित
