Sansar News
२१ माघ, काठमाडौँ । सरकारले बिहीबार पूर्ववत् रुपमै निर्धक्कसाथ सार्वजनिक यातायात लगायत आ–आफ्नो उद्योगधन्दा, पेसा व्यवसाय सञ्चालन गर्न आग्रह गरेको छ ।
गृहमन्त्रालयले बुधबार साँझ विज्ञप्ति जारी गर्दै दैनिक रुपमा सञ्चालित उद्योग, पेसा, व्यवसाय सञ्चालनमा कुनै बाधा अवरोध पुग्न नदिने गरी सुरक्षा व्यवस्था मिलाइने जानकारी गराउँदै सो आग्रह गरेको हो ।
नेपाल कम्युनिष्ट पार्टी(नेकपा) को नामबाट भोलि माघ २२ गते देशव्यापी आमहड्ताल आह्वान गरिएको भनि सार्वजनिक भएको प्रेस वक्तव्य उपर यानाकर्षण भएको जनाउँदै मन्त्रालयले शान्ति सुरक्षामा खलल पुग्ने, सार्वजनिक तथा निजी सम्पत्तिको तोडफोड, आगजनी, सार्वजनिक यातायात सञ्चालनमा अवरोध गरेको पाइएमा कारवाही गर्ने चेतावनी दिएको छ ।
‘शान्ति सुरक्षामा खलल पुग्ने, सार्वजनिक तथा निजी सम्पत्तिको तोडफोड, आगजनी, सार्वजनिक यातायात सञ्चालनमा अवरोध लगायतका अवाञ्छित गतिविधि गरेको पाइएमा त्यस्ता गतिविधिमा संलग्नउपर कानुनी कारवाही गर्ने’ गृहद्वारा जारी विज्ञप्तिमा उल्लेख छ ।
नेकपा दाहाल नेपाल समूहले संवैधानिक निकायमा सार्वजनिक सुनुवाइबिना पदाधिकारी नियुक्तिको विरोधमा भोलि बिहीबार आम हड्तालको घोषणा गरेको छ ।
वि.सं.२०७७ माघ २१ बुधवार २०:२९ मा प्रकाशित
