Sansar News
२२ माघ, काठमाडौं । नेपाल कम्युनिष्ट पार्टी (नेकपा) को प्रचण्ड–माधव समुहद्धारा आव्हान गरिएको आजको बन्द हड्तालका क्रममा कलंकीबाट पक्राउ गरिएका नेतृ अष्टलक्ष्मी शाक्य, नेता हितमान शाक्य, नेतृ अमृता थापा लगायतका नेता तथा कार्यकर्ताहरु महाराजगन्जको प्रहरी वृत्तमा रहेका छन् ।
नेतृ थपाका अनुसार शाक्यद्धय, थापा र अन्य ९ जना कार्यकर्ता प्रहरी वृत्तमा राखिएका छन् ।
बन्दका क्रममा प्रहरीले सडकमा अवरोध गरेको भन्दै उपत्यकाका विभिन्न ठाउँबाट नेकपाका ७७ बढी नेता कार्यकर्तालाई पक्राउ गरेको छ ।
प्रहरीले काठमाडौंबाट ७६ जना र भक्तपुरबाट १ जनालाई पक्राउ गरेको जनाएको छ ।
नेकपाको प्रचण्ड-माधव समुहद्धारा आयोजित आम हड्ताल (हेर्नुहोस् तस्बिरमा)
नेतृ अमृता थापासहित घाईते आन्दोलनकारीहरु महाराजगन्जको प्रहरी वृत्तमा
वि.सं.२०७७ माघ २२ बिहीवार ०९:१४ मा प्रकाशित
