हामी सबैकाे संसारन्यूज

माघ २३, काठमाडौं । विभाजित नेकपाका अध्यक्ष पुष्पकमल दाहाल ‘प्रचण्ड’ले माघ २८ हुने प्रदर्शनलाई भव्य बनाउने गरि तयारीमा लाग्न नेता तथा कार्यकर्तालाई निर्देशन गरेका छन् । शुक्रबार आफुँ पक्षीय ललितपुर जिल्ला कमिटीको बैठकलाई सम्बोधन गर्दै उनले यस्तो निर्देशन गरेका हुन् ।

प्रचण्डले प्रदर्शनलाई सफल बनाउन केहि दिन नखाएरै र नसुतेरै भएपनि जनताका घर/घरमा जान निर्देशन गरे ।

‘तपाईँहरु अब आउने ४/५ दिन नसुतेर, नखाएर भएपनि जनताका घर/घरमा जानुपर्यो, कार्यकर्ता मात्रै होइन् जनतालाई पनि उतार्न बल गर्न पर्यो’, उनले भने, ‘तपाईँ अगुवा कार्यकर्ताले आफुँ आफ्नो परिवार, आफ्नो टोल, आफ्नो वरिपरि समुदायलाई जगाउन सक्नुभयो भने २८ गतेको विरोध सभामा हजारौंको उपस्थिति गराउन सकिन्छ ।’

उनले देश अप्ठ्यारोमा परेको भन्दै जनतालाई प्रदर्शनमा जुट्नका लागि अपिल गर्न आग्रह गरे । उनले भनेका छन्, ‘देश अप्ठ्यारोमा पर्यो, हाम्रो हिस्साको भूमिका निर्वाह गर्न पर्यो भनेर अपिल गर्नुपर्यो, संटकको गहिराईलाई आत्मसाथ गरेमा सबै चीजलाई परास्त गर्न सकिन्छ ।’