Sansar News
माघ २५, काठमाडौं । विभाजित नेकपाको प्रचण्ड–नेपाल पक्षीय विद्यार्थी संगठनले आज बालुवाटार घेराउ गर्ने भएको छ । संसद विघटनविरुद्व आन्दोलनरत अनेरास्ववियूले तेस्रो चरणको आन्दोलनको कार्यक्रम अन्तर्गत बालुवाटार घेराउ गर्न लागेको हो ।
अनेरास्ववियूका नेता रञ्जित तामाङका अनुसार आइतबार दिउँसो २ बजे बालुवाटार घेराउ गर्ने कार्यक्रम तय भएको छ । प्रतिनिधि सभा विघटनविरुद्व प्रधानमन्त्रीलाई विरोध पत्र बुझाउने कार्यक्रम रहेको पनि उनले जानकारी दिए ।
उनका अनुसार सकेसम्म प्रधानमन्त्रीलाई भेटेर पत्र बुझाउने योजना रहेको छ ।
प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधि सभा विघटन गरेकी थिइन् । प्रतिनिधि सभा विघटनसँगै प्रचण्ड–नेपाल पक्षीय नेकपा र नेकपा सम्बद्ध जनवर्गीय संगठन निरन्तर सडक आन्दोलनमा छन् ।
वि.सं.२०७७ माघ २५ आइतवार ११:३४ मा प्रकाशित
