हामी सबैकाे संसारन्यूज

२५ माघ, काठमाडौं । नेपाली कांग्रेसका सभापति शेर बहादुर देउवाले फागुन ३ गतेको प्रदर्शन व्यापक बनाउन अपिल गरेका छन् ।

प्रधानमन्त्री केपी शर्मा ओलीद्धारा पुष ५ गते प्रतिनिधि सभा विघटन गरेसँगै विभिन्न चरणमा आन्दोलन गर्दै आएको कांग्रेसले फागुन ३ गते हुने प्रदर्शनलाई व्यापक बनाउन अपिल गरेका हुन् ।

‘प्रदर्शनले केपीओली नेतृत्वको नेपाल कम्युनिष्ट पार्टीको सरकारले गरेको प्रतिनिधिसभा विघटनको असंबैधानिक र अलोकतान्त्रिक, सर्वसत्तावाद उन्मुख कदम एवं मुलुकमा व्याप्त भ्रष्टाचार, कोभिड-१९ नियन्त्रण र व्यवस्थापनमा सरकारको असफलता र कुशासनको विरुद्ध जनभावना अभिब्यक्त गरेको छ ।’ सभापति देउवाद्धारा जारी विज्ञप्तिमा भनिएको छ ।

पार्टीका भातृ संगठनहरुले माघ २४ गते ७७ वटै जिल्लामा गरेको विरोध प्रदर्शन सफलतापवूक सम्पन्न भएको बताउँदै सभापतिले फागुन ३ गते जिल्ला समितिहरुद्धारा गरिने विरोध प्रदर्शनलाई अझ प्रभावकारी र व्यापक बनाउन समेत अपिल गरेका छन् ।