हामी सबैकाे संसारन्यूज

माघ २८, काठमाडौं । नेकपाको प्रचण्ड–नेपाल समूहका नेता जनार्दन शर्माले संविधान र संघीयतालाई प्रधानमन्त्री केपी शर्मा ओलीले पदसँग साटेको आरोप लगाएका छन् । बुधबार काठमाडौंमा आयोजित विरोध सभालाई सम्बोधन गर्दै उनले यस्तो आरोप लगाएका हुन् ।

‘प्रधानमन्त्री केपी ओलीले प्रधानमन्त्रीको कुर्सीसँग संविधान र संघीयता साटेका छन्’, उनले भने, ‘तर, यी कुरा साटिन सक्दैन ।’

जनताको विद्रोहले संघीयता विरोधीलाई समाप्त पार्ने उनले चेतावनीसमेत दिएका छन्। ‘यदि जनताको आवाज नसुनेमा आज यहाँ भइरहेको शान्तिपुर्ण आन्दोलन, केवल आवाज लिएर आएका जनता कुन दिन विद्रोहमा उत्रिनेछन् र विद्रोह हुनेछ’, उनले भने ।

देश र जनतालाई सबल बनाउने विषय केपी ओलीबाट हुन नसक्ने भन्दै उनले सक्षम नेतृत्व अहिलेको आवश्यकता रहेको बताए । राज्यको संरचना अझैपनि लोकतान्त्रिकरण हुन नसकेको भन्दै शर्माले राज्यका अंगमा लोकतान्त्रिकरणका लागि प्रतिगमनका विरुद्ध संयुक्त रुपमा अघि बढ्न आवश्यक भएको बताए ।