हामी सबैकाे संसारन्यूज

३० माघ, काठमाडौँ । २०२१ को आईपिएल अक्सनका लागि नेपाली राष्ट्रिय टिमबाट सन्दिप लामिछाने मात्र छनोट हुन सफल भएका छन । भारतीय क्रिकेट र्बोडले सार्वजनिक गरेको २५६ खेलाडीको सूचिमा नेपालबाट सन्दिप मात्र पर्न सफल भएका हुन ।

नेपाल क्रिकेट संघ (क्यान) ले आईपिएल अक्सनको लागि राष्ट्रिय टिमबाट ८ खेलाडीको नाम पठाएको थियो । क्यानले अक्सनका लागि सिफारिस गरेको खेलाडीको सूचिमा सन्दिप लामिछाने सहित नेपाली राष्ट्रिय टिमका उपकप्तान दिपेन्द्र सिंह ऐरी, विनोद भण्डारी, करण केसी, सोमपाल कामी, शरद भेषवाकर, अभिनाश बोहरा र कुशल मल्ल रहेका थिए ।

आईपिएलको पछिल्लो ३ संस्करणमा दिल्ली क्यापिट्ल्ससँग अवद्ध रहेका सन्दिपलाई दिल्लीले २०२१ को मिनि अक्सन अगाडी टिमबाट रिलिज गरेको थियो । उनलाई दिल्ली क्यापिट्ल्सले २० लाख भारुमा अनुबन्धित गरेको थियो । उनले २०२१ को अक्सनमा आफ्नो बेस प्राईज बढाएर ४० लाख भारु पुराएका छन ।

२०२१ को आईपिएल अक्सन फेब्रुअरी १८ मा चेन्नाईमा हुने छ ।