हामी सबैकाे संसारन्यूज

३० माघ, काठमाडौँ । इसिसी विश्वकप क्रिकेट लिग–२ को पहिलो चरण अन्तर्गतको नेपाल, अमेरिका र ओमान बिच हुने भनिएको त्रिकोणात्मक श्रृखला स्थगित भएको छ ।

नेपाल क्रिकेट संघ (क्यान) ले प्रेस विज्ञप्ति जारी गर्दै अमेरिका र ओमान विरुद्धको त्रिकोणात्मक श्रृखला स्थगित भएको जानकारी दिएको हो । नेपाल, अमेरिका र ओमक बिचको त्रिकोणात्मक श्रृखलासँगै अप्रिलमा हुने भनिएको पीएनजी, ओमन र स्कटल्याण्ड बीचको सिरिज र पीएनजी, युएसए र नामबिया बीचको सिरिज पनि स्थगित गरिएको आईसीसीले जनाएको छ।

“बढ्दो कोभिड १९ को प्रभाव, लामो क्वारेन्टिनको प्रावधान र विभिन्न देशहरुबीच रहेको ट्राभल रेस्ट्रिक्सन आदी कारणहरुले तय भएका सिरिजहरु आधिकारिक रुपमा अर्को सूचना नआन्जेल सम्मका लागि स्थगित गरिएको आईसीसीले जनाएको छ” क्यानको विज्ञप्तिमा भनिएको छ।