हामी सबैकाे संसारन्यूज

४ फागुन, काठमाडौँ । नेपाल कम्युनिष्ट पार्टी (नेकपा)का केन्द्रीय सदस्य विष्णु रिजालले नेपाली काँग्रेसका सभापति शेरबहादुर देउवाले अदालतको सम्मान होइन, ज्योतिषीको आशा गरिरहेको व्यङ्ग्य गरेका छन् ।

प्रधानन्यायाधीस सुशिला कार्कीमाथि छापामार शैलीमा महाभियोग दर्ता गराएका देउवाले अहिले अदालतमा मुद्धा चलिरहेकाले बोल्न मिल्दैन भन्नु अदालतको सम्मान चाहेको भन्दा पनि उनले व्यक्तिगत स्वार्थ हेरेको भन्दै रिजालले व्यङ्ग्य गरेका हुन् ।

सामाजिक सञ्जाल टिव्टरमा टिव्ट गर्दै नेता रिजालले भनेका छन् ‘अदालतमा मुद्दा चलिरहेकाले बोल्न मिल्दैन भन्ने शेरबहादुर देउवा त्यही नेता हुनुहुन्छ, जसले विनाकारण प्रन्या सुशीला कार्कीमाथि छापामार शैलीमा महाभियोग दर्ता गराउनुभएको थियो, जसलाई अदालतले अवैध घोषणा गरेको थियो । प्रस्टै छ( उहॉले अदालतको सम्मान होइन, ज्योतिषीको आशा गरिरहनुभएको छ ।’