हामी सबैकाे संसारन्यूज

४ फागुन, काठमाडौँ । २०२१ को इन्डियन प्रिमियर लिग (आईपिएल) अघि किंग्स इलेवन पंजाबको टिमले आफ्नो नाम परिवर्तन गरेको छ । किंग्स इलेवन पंजाबले २०२१ को आईपिएलका लागि आफ्नो टिमको नाम “पंजाब किंग्स” राख्ने भएको छ ।

कोरोना भाइरसको माहामारीको कारणले गर्दा गत सिजन संयुक्त अरब इमिरेट्स (युएई) मा सम्पन्न भएको आईपिएलमा पंजाबको टिमको छैठौं स्थानमा रहदैँ प्रतियोगिता समाप्त गरेको थियो । लगातार १३ संस्करण देखि आईपिएलमा सहभागिता जनाउदैँ आएको पंजाबले अहिले सम्म उपाधि जित्न सकेको छैन ।

फेब्रुअरी १८ मा चेन्नाईमा २०२१ को आईपिएल अघि मिनि अक्सन हुदैँछ । यस अघि टिमले २०२१ को आईपिएलमा अक्सन अगाडी टिमबाट ग्लेन म्याक्सवेल, जिमी निशा, शेल्डन कोट्रल, मुजिब उर रहमान जस्ता दिग्गज खेलाडीहरुलाई टिमबाट रिलिज गरेको थियो । त्यस अक्सनमा पंजाबसँग खेलाडी खरिद गर्नको लागि सबै भन्दा धेरै रकक रहेको छ । पंजाबले अक्सनमा ५३.२० खर्च गर्न पाउने छ ।