हामी सबैकाे संसारन्यूज

४ फाुगन, काठमाडौं । भारतमा नर्सिङका विद्यार्थी सहित ५४ यात्रु बोकेको बस नहरमा खस्दा ४२ जनाको मृत्यु भएको छ ।

मध्य प्रदेशको सिधीमा मंगलबार नहरमा बस खस्दा अहिलेसम्म ४२ जनाको शब निकालिएको र अन्यको उद्धार भइरहेको बताइएको छ ।

समाचार ऐजेन्सीका अनुसार उक्त वसमा ५४ जना सवार रहेकोमा नहरबाट ४२ जनाको शब निकालिएको छ । भने ७ जना पौडिएर बाहिर आएको र अन्यको खोजी भइरहेको बताइएको छ ।

स्थानीय प्रशासनका अनुसार ५४ जना यात्रु बोकेको उक्त बस सीधीबाट सतना भन्ने ठाउँमा गइरहेको अवस्थामा विपरित दिशातर्फबाट आइरहेको बोलेरोलाई साइड दिने क्रममा उक्त दुर्घटना भएको थियो ।

उक्त बसेमा रहेका नर्सिङका विद्यार्थीहरु परीक्षा दिनका लागि सतना गइरहेका थिए । स्थानीय समय अनुसार बिहानको साढे सातबजे उक्त दुर्घटना भएको थियो ।

उक्त दुर्घटनामा भएको मानविय क्षतिप्रति दुःख व्यक्त गर्दै भारतीय प्रधानमन्त्री नरेन्द्र मोदीले मृतकका परिवारलाई २ लाख र घाइतेको उपचारका लागि ५० हजार सहयोग गरिने बताइएका छन् ।