हामी सबैकाे संसारन्यूज

५ फागुन, काठमाडौं । बैतडीकी भागरथी भट्टको हत्यामा संलग्न व्यक्तिलाई प्रहरीले पक्राउ गरेको छ ।

बैतडीको दोगडाकेदार गाउँपालिका ७ की १७ वर्षीया भट्टको माघ २१ गते घाँटी थिचेर हत्या गरेको अभियोगमा सोहि गाउँका १८ वर्षीय दिनेश भट्टलाई पक्राउ गरेको सुदूरपश्चिम प्रदेश प्रहरी कार्यालयका एसएसपी मुकेश कुमार सिंहले बताएका छन् ।

उनका अनुसार भागरथी पढेकै स्कुल सनातन धर्म माध्यमीक विद्यालयमै ११ कक्षामा पढ्ने भट्टलाई प्रहरीले पक्राउ गरेको हो । उनले पारिवारीक रिसइबी साँध्नका लागि हत्या गरेको बताइएको छ ।

पक्राउ परेका भट्टलाई आज बिहान ११ बजे पत्रकार सम्मेलनमार्फत् सार्वजनिक गर्ने पनि प्रहरीले जनाएको छ ।