हामी सबैकाे संसारन्यूज

५ फागुन, काठमाडौं । बहुविवाह गरेका वडा अध्यक्षलाई एकवर्षको जेल सजाय सुनाइएको  छ ।

सल्यानको बन्गाडकुपिण्डे नगरपालिका ९ का वडाअध्यक्ष ५२ वर्षीय इन्द्रबहादुर कुमाईलाई जिल्ला अदालतले एक वर्ष कैद र १० हजार रुपैयाँ जरिवानाको फैसला गरेको छ ।

जिल्ला न्याधिश कुलप्रसाद पाण्डेको इजलासले वडाअध्यक्ष कुमाइ र कान्छी श्रीमती ग्वामी विष्टलाई कैद फैसला सुनाएको बुधबारको कान्तिपुर दैनिकमा समाचार छ ।

घरमा दुई श्रीमती र चार छोराछोरी भएका वडाअध्यक्ष कुमाइले गत मंसिर ३ मा विष्टलाई भगाएका थिए । उजुरी परेपछि लुकिछिपी बसको अवस्थामा मंसिर १९ गते प्रहरीले पक्राउ गरेको थियो । अदालतको फैसलापछि उनप्हरुलाई कारागार चलान गरिएको जिल्ला प्रहरी प्रमुख डीएसपी गोविन्द थापाले बताए ।